ក្រុមហ៊ុន Toyota Motor Thailand រំពឹងថា “អនាគតភ្លឺស្វាង” សម្រាប់ឧស្សាហកម្មផលិតរថយន្តរបស់ប្រទេសថៃ អាចនឹងចាប់ផ្តើមនៅឆ្នាំ ២០២១ ទោះបីជាឆ្នាំនេះ ចាប់ផ្តើមឡើងជាមួយនឹងការផ្ទុះឡើងនៃជំងឺកូវីដ១៩ ថ្មី ខណៈដែលក្រុមហ៊ុនផលិតរថយន្តជប៉ុននេះ បានកំណត់គោលដៅប្រកបដោយមហិច្ឆតាកំណើន ពី ១៥ ទៅ ២៣ ភាគរយក្នុងការលក់ជាមួយយុទ្ធនាការ “environmentally-friendly” ដែលដើរតួនាទីយ៉ាងសំខាន់ក្នុងការជំរុញការទិញថ្មី។

យោងតាមមន្ត្រីឧស្សាហកម្មប្រទេសឥណ្ឌាបានប្រាប់ឲ្យដឹងថា តម្លៃប្រេងដូងនៅក្នុងប្រទេសឥណ្ឌា បានកើនឡើងជាង ៦ ភាគរយ សូម្បីតែបន្ទាប់ពីរដ្ឋាភិបាលបានកាត់បន្ថយពន្ធនាំចូល ខណៈដែលតម្លៃរបស់វានៅក្រៅប្រទេសបានកើនឡើង ដោយរំពឹងថានឹងមានតម្រូវការខ្លាំងពីអ្នកទិញធំបំផុតរបស់ពិភពលោកនេះ។

ការលក់រថយន្តអគ្គិសនីនៅក្នុងប្រទេសចិន បានកើនឡើង ១០ ភាគរយ កាលពីឆ្នាំមុន។ នេះបើយោងតាមទិន្នន័យដែលបានបង្ហាញកាលពីថ្ងៃពុធ ទី១៣ ខែមករា ឆ្នាំ២០២១ ចំពេលងើបឡើងវិញនៃសេដ្ឋកិច្ច ក្រោយការរាតត្បាត និងការជំរុញបង្កើតទីផ្សាររថយន្តធំបំផុតរបស់ពិភពលោក ក្នុងនាមជាមេដឹកនាំបច្ចេកវិទ្យាបៃតង (green technology)។

ពាណិជ្ជកម្មរបស់ប្រទេសវៀតណាមជាមួយចិន បានកើនឡើង ១៤ ភាគរយកាលពីឆ្នាំមុន ដល់ ១៣៣,០៩ ពាន់លានដុល្លារ ដែលធ្វើឲ្យវាក្លាយជាដៃគូពាណិជ្ជកម្មធំបំផុតទី ៦ របស់ប្រទេសនេះ។